GRANXA SERANTELLOS

Os días 8 e 9 de Maio fomos a Granxa Serantellos (que está en Cambados) .
Ao chegar descubrimos que o lugar onde íamos  estar é un PAZO ( que agora coñecemos grazas ao proxecto que estamos a facer).Xa estaban a esperar por nós os monitores que enseguida nos deron as normas para comenzar coas actividades:
- Fomos ver os animais que hai na granxa ( porcos, vacas, coellos, galiñas...)
- Percorrimos un campo cheo de flores.
- Estivemos polos arredores dunha charca onde vimos anfibios.
- Fixemos unhas manualidades que reproducen os sons dalgunhas aves.
- Desbullamos espigas , fixemos fariña e logo un bolo de pan.

Pasámolo fenomenal, foron dous días moi divertidos que queremos compartir con todos vós vendo esta película.        

                                                       

REMATAMOS COS CONTACONTOS!!!

O venres, 25 de abril, tivemos outra sesión de Contacontos.

A nosa sorpresa foi ver quenes eran as persoas que estaban alí para contarnos os contos.

Coñecíamos a todos. María, outra das cociñeiras, que tamén é avoa dun neno de infantil,contounos A BRUXA REGAÑADENTES (daba bastante medo...).

Logo, Ángel ( que traballa no mantenemento do colexio), contounos o conto CARABUÑAS ( estivemos moi entretidos).

Para rematar, Rodrigo,( un dos que traballa na secretaría), contounos VERLIOKA ( pasámolo fenomenal).

Aquí vos deixamos algunhas fotos que fixemos para que vexades os bos momentos que tivemos. 

Por este curso xa nos despedimos dos contacontos e esperamos que para o curso que ven poidamos volver a disfrutar destes momentos tan entretidos. Grazas a todos os que participaron e en especial a Juan que foi o que organizou estas sesións.

MÁIS CONTACONTOS...!!!

O venres, 4 de Abril, tivemos de novo sesión de Contacontos.
Todos eran contos de medo!!! Terroríficos!!!
Unha das nosas sorpresas foi ver alí as nosas cociñeiras e ademáis que unha delas, JO, nos contara o primeiro conto titulado A PANTASMA.
Logo a súa filla UXÍA e máis DENÍS, que son uns alumnos de 4º da ESO contáronnos O VAMPIRO.
Despois, MERCEDES, a nai dun neno de infantil que se chama Martín, contounos O MOSTRO DO ARMARIO.
Por último, CORI, o avó de Antía, que xa coñecemos doutras veces ( que lle encanta virnos a contar contos) , asustounos un pouco falándonos do HOME DO SACO.
Rímonos moito, porque... non era para tanto!!! De medo, nadaaaaaa!!!

EXCURSIÓN A VIGO

O xoves, 3 de Abril, fixemos unha excursión a Vigo. Primeiro fomos ao Auditorio de Novagalicia Banco a ver a obra de teatro "Bon appétit" interpretada polo TEATRO DOS GHAZAFELHOS.
Pasámolo moi ben, rimos dabondo... foi moi divertida!!!
Cando rematou, tiñamos xa moita fame e fomos no autobús ata a praia de Samil onde xantamos e xogamos.

Aquí vos deixamos algunhas das fotos que fixemos.

                                                             

                                                             

OUTRA DE CONTACONTOS!!!

O venres, 21 de marzo voltamos de novo cos contacontos.Igual que outras veces estamos moi agradecidos pola colaboración prestada.

Os contos que nos contaron foron estes:

- DINOSAURIO BELISARIO
-AMORA
-AVÓS
-O TRAXE NOVO DO REI

                                        

   Juan contounos o primeiro conto.

                                                           

                                     

  Estiveron con nós uns nenos da ESO!!!

                                       

Cori emocionouse contándonos o conto dos AVÓS.

                                       

Nós tamén nos emocionamos...

                                           

                                                         

                     Paula, a nai de Iria contonuos O TRAXE NOVO DO REY.

                         

 Laura, a nai de Antía contounos AMORA.

            

                                        

 Neste participamos e foi moi divertido...

                                           

        Grazas aos catro por darnos unha tarde tan entretida.

ENTROIDO MEDIEVAL

Como remate do Entroido, o venres 28 de febreiro xuntámonos todos os nenos, nenas e profes no pavillón do colexio para celebrar un entroido da época medieval. Viñemos todos disfrazados da época, comemos filloas, orellas...e pasámolo moi ben.

Para que vexades o guapos que estabamos e o que disfrutamos ,eiquí vos deixamos algunhas fotos.

                                       

FACENDO FILLOAS

Seguindo co noso proxecto e aproveitando que estamos no ENTROIDO, falamos da gastronomía galega.Un dos platos típicos destas datas son as filloas. Tamén nos enteramos de que no Reino Unido cómense filloas nesta época ( se queredes saber máis ide á sección de inglés).
O mércores 26,voltamos de novo a ser cociñeiros e fixemos unhas filloas que estaban boísimas...

PREPARAMOS O ENTROIDO

O Entroido é unha festa popular que se celebra a finais do mes de febreiro ou a primeiros de marzo. Co Entroido márcase a fin do inverno e o comezo da primavera.
En Galicia é unha festa con moita sona. Son moi coñecidos: os cigarróns de Laza, os peliqueiros de Verín, as pantallas de Xinzo... sen esquecer na zona do Morrazo os carnavais do Hío (moi preto do noso colexio).

Este últimos días estivemos a facer murais, carautas. antefaces...para decorar a clase e os corredores.Pasámolo moi ben e aquí vos deixamos unha mostra dos nosos traballos.

SEGUIMOS COS CONTACONTOS...

O venres 14 de febreiro tivemos de novo sesión de contacontos.Juan fixo a presentación e logo contounos o conto "UN BECHO EXTRAÑO."

Estabamos moi atentos...

Cori, o avó de Antía, unha nena de 3 anos contounos "BAILAR NAS NUBES."

Raquel, a nai de Alba Beloso contounos "A CAIXA DOS RECORDOS."

Que bonitos estes contos!!!

María, a nai de Lucía de 4 anos, contounos "A VODA DO GALO PINTO."

Chelo, a nai de Belén e María, contounos "VICHES O LEÓN."

Cando remataron, non paramos de aplaudir...

Grazas a todos por vir e esperamos con moita ilusión a seguinte sesión.

CONTACONTOS

O departamento de Normalización Lingüïstica está a desenvolver esta actividade coas nais e pais para nenos de Infantil e o Primeiro ciclo da Primaria. A nós tocóunos o día 31   de xaneiro.

Os contos que nos contaron foron estes:

"A toupiña que quería saber quen lle fixera aquilo na cabeza" contado por Juan que é o profesor de galego na ESO.

     "Sopa de nada" contado por Susana a nai de Xabi.

Estabamos moi atentos...

 

       "A min non me comas" contado pola nai de Pedro.

                             

   "Caracol e caracola" contado por Marisol a nai de Aarón e Yaiza.

    Os contos eran moi divertidos...

  "Nariz de ouro" contado por Paula a nai de Iria e madriña de Xabi.

        Aínda seguíamos atentos...

 "Orellas de coello" contado por Lidia a nai de Alicia e Anselmo.

  Gustounos tanto que quedamos para outro día...

Grazas ás nais por compartir con nós esta preciosa tarde!!!

DÍA DA PAZ

Levamos varios días traballando sobre a paz.
A PAZ entendida como "respecto" hacia os demáis en todos os momentos,entendernos sen facer uso da violencia,"solidaridade" e "cariño" ante os máis débiles...


Aquí vos deixamos as vivencias e traballos que fixemos para celebrar este día tan especial.

CHEGOU O INVERNO

Xa chegou o inverno, comenzou o día 21 de decembro, pero estabamos tan ocupados co festival de música, as cartas aos Reis e a Papá Noel, os adornos de Nadal... que nin tan sequera lle demos a benvida, pero
aínda nos queda moito tempo para disfrutalo!!!

 O próximo 30 de xaneiro celebraremos o Día da Paz, unha pequena homenaxe a esa actitude que debemos ter en conta todos os días do ano e aproveitaremos para reflexionar que é a PAZ para todos nós.

Estamos a facer unha pomba da paz e tamén falaremos sobre as palabras que nos gustan, palabras referidas a construir un mundo con amizade, tolerancia, sen odio, con amor, sen diferencias...

O NADAL

Como xa está chegando o Nadal, queremos adornar as clases e o corredor do primeiro ciclo cos nosos traballos. Estamos a facer árbores, monecos de neve, beléns, reis...que cando cheguen as vacacións levaremos para casa.

Aquí vos deixamos algúns dos momentos do noso traballo. Disfrutádeos!!!

E para rematar, as profes do 1º ciclo da Primaria queremos desexarvos a tod@s un feliz Nadal e un 2014 cheo de felicidade e boas novas!!!

DESCUBRIMOS O APALPADOR

Oíchedes falar algunha vez do APALPADOR ?

Traballando no noso proxecto, atopámonos cun personaxe da tradición popular galega nado no Courel chamado O APALPADOR que visita as nosas casas polo Nadal.
É un pastor mangallón e bo, de mirada doce e longas barbas coloradas que, co seu abrigo cheo de remendos e a grandes zancadas, percorre Galicia enteira.
Durante o ano fabrica carbón, vive dos froitos silvestres, caza xabarís, recolle mel e fai xoguetes de madeira coas pólas das árbores.
O 31 de decembro baixa aos pobos, visita aos nenos cando están durmidos e tócalles a barriga para mirar se cearon ben.   Déixalles como agasallo castañas quentes e divertidos xoguetes de madeira.

Aproveitando que xa coñecemos a súa historia, na clase de Música estamos preparando para o festival do día 19 de decembro o baile do APALPADOR .
Aquí vos deixamos o seu video

                                     

O NOSO PROXECTO

Para desenvolver na nosa aula o proxecto sobre Galicia e coñecer un pouco máis a nosa comunidade, decidimos afondar sobre:
1- Situación xeográfica.
2- As provincias.
3- A gastronomía.
4- O folclore.
5- Os monumentos.
6- Construccións típicas.
7- Os nosos antepasados.
8- As festas.
9- Persoas destacadas.
10- ...e todo o que vaiamos atopando polo camiño...


As familias veñen aportando todo tipo de materiais para poñer no noso recuncho do proxecto.

Unha vez que tivemos algún material na aula puxémonos a investigar.